نسخن الزيت في الحله ونحط البصله المتقطعه صغير ونقلبها شويه لحد ماتتطرى بس من غير ماتاخد لون وبعدين نحط الماء المغليه او الشوربه والليمون الأسود وقرن فلفل اخضر وورقه لورا وفص حبهان وبعدها نحط الرز بمقدار كوب ونص لكل كوب رز ونسيبه يغلى وأول مايغلى ويتشرب الماء نهدى النار عليه

البصل بقى نجيب طاسه ونحط شويه زيت او زبده ونحط البصل لحد مايدبل خالص وببدء ياخذ لون نحط عليه الليمون الاسود المطحون ونقلبه شويه ونحط الزبيب ونكون نقعينه قبلها بشويه ماء لمده ربع ساعة كده عشان يفضل طرى وبس ونقدمهم نحط الرز وعليه البصل واللحمة وبالهنا والشفا