يوضع كل مكونات الكيك في بولا ونضربهم بالمضرب الكهربا على سرعه عاليه حتى يتضاعف حجمه ولونه يبقا فاتح ربع ساعه ضرب

ناخذ من الخليط حبه ونصبهم في صينيه مقاس صغير متبطنه بالزيت والدقيق او محطوط فيها ورق زبده اول حبه مش هنلونهم

بعد كده ناخد حبه تانى ونحط عليهم الكاكاو ونصبهم في صينيه نفس المقاس متبطنه او فيهى ورق زبده

ونقسم باقي الكيك ونحط الوان حسب الرغبه انا حطيت الاصفر والاخضر والاحمر

وصبيتهم في صوانى متبطنين نفس المقاس

ندخلهم الفرن على درجه حراره ١٨٠ ل١٠ دقائق او اكثر حسب الفرن وممكن نسوى واحده واحده واللى تطلع نسبها على شبك عشان تهدا وتبرد وبعدها نلفها بستريتش وندخلها التلاجه

كده عندنا طبقه بيضا وطبقه كاكاو وطبقه احمر واصفر واخضر نسبهم يدخلو التلاجه يفضل يوم كامل اوليله يرتاحو

نجهز الكريما الخام نضربها مع مياه متلجه لكل كوب كريما كوب ماء مثلج والسكر حسب الرغبه

هنقسمهم بردو ل٥ اطباق ونسيب اول واحد ابيض زى ماهو ونلون الباقى باللى عندنا الكاكاو والالوان

نبتدى نحشي بقا الطبقات كل طبقه باللون بتاعها

انا بدات بالكيك الاخضر والكريما نفس اللون بعدها الكيك الاصفر والكريما الصفرا وبعدها البيضا والكريما البيضا

وببعد كده الاحمر والكريما الحمرا واخر حاجه الكاكاو والكريما البنى

وزينتها من فوق وممكن تتحشى اى حاجه فواكه مسكره او شيكولاته شيبس او اى حاجه بس هي مبهجة اوى وجميله بصراحه