هنرش على البانيه ملح على الناشف, عشان ننظفه. ونسيبه ربع ساعة. وبعدين نغسله كويس من الملح.

نبشر البصل والثوم على البانيه, بعد مايتنشف. واذا هتعمليه في ساعتها, ضيفي البيضه.

ضيفي التوابل وقلبى كويس. ممكن التوابل دى كلها نستغني عنها ونكتفي بالفلفل الاسود. وممكن تزودي نقطة خل.

هنستنى عليه ربع ساعة مثلا, في الثلاجه, عشان كله ياخذ من طعم بعضه.

هنطلعه وننضفه من البصل ونجهز البقسماط.

نحط البانيه في البقسماط. ونضغط بايدينا عليه عشان البقسماط يمسك فيه.

ننزل في زيت متوسط السخونه على النار, عشان مايتحرقش منك.

ممكن تاكليه كده, او جمبه رز مصري, او بسمتي بالكاري.