اهم حاجه في الوصفه دي ان البطاطس متكونش مسلوقه لدرجه الهري, علشان لما تحطيها تتحمر ماتفكش في الزيت.

بنغلي نص كوب ماء وعليه معلقه الزيت. واول ما بتغلي بنطفي عليها النار وبنحط على المايه السميد وبنقلبه كويس ونغطيه.

في بوله, بنهرس البطاطس وبنحط البقدونس والتوابل واي توابل انتي عايزة تضيفيها تاني عليها.

وبناخد العجينه اللي عملنها بدقيق السميد وبنحطها على البطاطس وبنقلب كويس.

بعد كده ببدأ اصبعها وبحطها في الفريزر, على الاقل نص ساعه, قبل القلي علشان ماتفكش مني.

وبنقليها في زيت سخن جدا ومنحطش كتير في الزيت واحنا بنحمر, علشان الزيت مايبردش تاني وتفك منك, وبالف هنا.