بسسي السميد بليدام حكي مليح بين يديك زيدي السكر والملح وشمخي بالكيلة انتاع الماء الزهر والحليب ممكن يبقى منها شوي او يشربها السميد كامل وهذا حسب نوعية السميد انا استعملت سميد متوسط اسمو البركة

حطيه يرتاح شوي من بعد نقسمو على 2 ناخذ القسم الاول انقرصو فوق نايلون وانحط عليه الغرس بعد ما نكون قرصتو هو كذالك على حساب حجم القرصة الاولى من بعد انزيد انحل الطبقة الثانية وانحطها على الغرس ونبدا بالحلان بواسطة الحلال حتى نتحصل على السمك المطلوب وانقصو مقروظات وانحمرو هم في طاجين انتاع الحديد الى انطيبو فيه الشخشوخة انتاع الورق

كي يحمارو على الجهتين انحطوهم في صحن التقديم مرفوقين بطاس انتاع اللبن الله الله وشهية طيبة 😘😘😘

ملاحظة : الشي يلي يخلي البراج تحمار مليح هو السكر يلي ضفناه للسميد من البداية