نأخذ البسكويت ونفتتو بيدي ومن جهة نأخذ إناء نحط فيه الزبدة والسكر ونخلط ونضيف الحليب والكاكاو والفانيلا ونخلط مليح

نضيف عليهم البسكويت ونخلط بملعقة بالشوي حتى يتلون البسكويت بالشوكولاتة ثم نضيف عليه صوص الشوكولاتة ونخلط

نأخذ مول حجم 20 سم نحط فيه بلاستيك لداخل ويكون خارج برا المول باه يجيني ساهل نديموليه

نحط فيه نصف الخليط وبملعقه نسويه مليح والنصف الثاني نحطو فوق كيس بلاستيك ونزيد فوق منو كيس بلاستيك آخر ونحلو على شكل المول ونحطو على جنب

نوجد الكريمة نحط في كسرونه الحليب والسكر والنشاء والفانيلا ونخلط مليح ونحطها على النار مع التحريك المستمر حتى تعقاد نحيها ونضيفلها شوكولاته بيضاء ونحرك حتى تذوب

نحطها فوق الطبقة الأولى مباشره ثم نحط عليها الطبقة الثانية تاع خليط البسكويت ونحط يدي داخل كيس بلاستيكي ونضغط مليح

ونرد عليها البلاستيك الزائد ونحطها تبرد في الثلاجه لمده ساعتين ثم نخرجها ونزينها نحط عليها دانيت واللوز افيلي و بالصحة