ندهن المول العجيب بالزيت ونغبرو بالفرينة ونحضر الكيك (نخلط البيض مع السكر جيداً والفانيلا ثم نضيف الزيت والحليب ونخلط ثم الفرينة (طحين) والخمارة والى الفرن).

نحضر السيرو (كأس سكر مع كاسين ماء وشريحة الليمون يغلي عشر دقائق ونطفي) لما تنضج الكيكة نتركها تبرد تماما ونسقيها بالسيرو البارد.

ثم غلفتها بكريمة الشانتيه مخفوقة مع الشوكولاتة (اختياري) بعدها حضرت الكريمة (بيضة ملعقة كبيرة مايزينة 2م ك سكر ونخلط بارد في بارد ونبدأ نزيد الحليب بشوية ونحرك بالفوي ونديورها فوق النار مع التحريك المستمر

ولما تعقد نطفي ونضيف لها ملعقة صغيرة فانيلا وم ص مارغرين وعصير نصف ليمونة ونخلط مليح نزيدلها حبة ياغورت ذوق ليمون ونخلط ونسكبها في حفرة الكيكة ونسويها ونخليها تبرد من الأفضل استهلاكها في الغد.