اولا حاجه هنسلق المعكرونه مع رشه ملح وزيت

هنجيب الزيت ونسخنه حلو وننفض البصل من الدقيق ونحمر البصل فيه ونطلعه على مناديل مطبخ ونسلق نص كمية العدس برشه كمون وفص ثوم مفروم ورشة ملح سلقه بسيطه يعني مش يستوي اوووي وبعدين نصفيه

هنجيب حله نصفي جزء من الزيت ال حمرنا فيه البصل وقطعه زبده وننزل بنص كمية العدس او ربعها ونفضل نقلب فيه لحد مايسخن معانا وننزل بالشعيريه لحد مالونها يبقى ذهبي غامق وبغدين ننزل بالرز ونقلب فيه لحد مايسخن معانا يعني تمسكي الرزايه تلاقيها ساخنه في ايدك وبعدين نجيب فصين ثوم مفرومين وننزل بيهم على الرز ونقلبهم ونغطي الحله لحد مايتشرب ريحه الثوم فيه ولو عندنا شوربة نسقي الرز شوربه بس نكون ساخنه نغطي بيها بس الرز ولو معندناش شوربه نغلي ماء مع مكعب مرقه ونسقي بيهم الرز ونسيبه لحد مايستوي

نجي بقي للدقه بتاعت الكشري الدقه البارده هنجيب الثوم ويكون مفروم وكمون وخل وعصير ليمون ورشة ملح ونضربهم في الخلاط او نقلبهم في بعض كويس ونتركه على جنب

الصلصة بصله مفرومه و ثوم مفروم ومكعب زبده ورشة زيت على النار بعد مالبصله تأخذ اللون الذهبي ننزل بالثوم وبعد ما ياخذ اللون الذهبي ننزل بعصير الطماطم وننزل بصلصة الطماطم وننزل بالكزبره الناشفه والفلفل والكمون والملح ومكعب مرقه ونسيبها تغلي اووي ولو عايزنها حاميه نحط شطه معاها

الدقه السخنه هنجيب زيت على النار في مقلايه او اي إناء ونسخنه اووي ونجيب شطه حمرا ناعمه وننزل بيها على الزيت ونغطيها لانها رائحتها هتبقي صعبه اووي وننزل عليها بمعلقتين او اربغ ملاعق كبار صلصة من الاحنا عملانها ولما تقلب نطفي عليها النار

هنسلق الحمص هو هياخد وقت هنبقي نسلقه من بدري شويه قبل مانبدا فيه هيتسلق برشة ملح ورشة كمون

التقديم هنجيب طبق التقديم ونححط الرز وبعدين المعكرونه وبعدين العدس وبعدين الصلصله وبعدين البصل وبعد كده الحمص وبعد كده الدقه والشطه تبع راحتك وبالف هنا على ال يجرب