اول شي بحب اعطي معلومة للمبتدئين ، كل كيلو لبن بدو كباية ماء و 3 ملاعق نشا ل حتى ما يفرط.

بحط اللبن ب وعاء ، و بحط الماء و النشا و بخلطو منيح ل حتى يصير ناعم. بعدين بنقلو عالطنجرة و بحطو على النا و بضل عم حرّك بنفس الطريقة ل حتى يغلي.

بس يغلي ، بتوطّي النار ، انتي و عم تحركي اللبن بعدك بتقولي بسم الله و بتحطي ال شيش برك وحدة وحدة، و بتضلك عم تحركي قد ما بتقدري ل حتى ما يفرط و يمسك.

بس تحسي انو اللبن صار تقيل شوي ، كل شوي بتحكي ال شيش برك، تقريبا ال شيش برك معي بتركهم شي 20 دقيقة.

بس يستوو الشيش برك، قبل ما تطفي النار تحتهم، بتحطي فوقهم الكزبرة لي فرمتيها ناعم مع الثوم لي بتكوني دقيتيهم سوى.

المجدرة: بتغسلي العدس و بتسلقيهم، بس يستوو بتجيبي الرز لي بتكوني ناقعتيهم نص ساعة و مغسلتيهم منيح.

بس تحطي الرز بتوطّي النار على الاخر و بتغطي الطنجرة، بس تنشّف الماء و يستوو، بتكوني مقطعة مص البصلة شرحات، بتقليها ب زيت الزيتون.

بس تحمرّ شرحات البصل، بتقولي بسم الله و بتدلقي الزيت عالمجدرة و بتحركيهم ، و زينيها بالبصل.

يعطيكي العافية و صحة و هنا من مطبخ JiJi

Instagram & SnapChat : jinana.kh