ننقع الدجاج بلخل والملح مدة ربع ساعة وبعده منغسلو كتير منيح ومنحطو على الغاز ومنضيف على الدجاج بصلة ورق غار حب هال وملعقة ملح و ملعقة كركم ومنخليه ليستوي الدجاج

في هي الاثناء مننقع الرز بماء ساخن على الاقل ١٥ دقيقة

ورح بلش بطبخ الرز بحط كاسة ونصف ماء من مرق الدجاج لكاسة الرز وبحط مكعب ماجي ومعلقتين زيت وبحط ربع ملعقة كركم ونصف ملعقة ملح وبخليه الماء لتغلي وبنزل الرز وبخليه دقيقتين على نار عالية وبعدها بخفف الغاز وبخليه على نار هادية لحتى يستوي الرز

وهلق رح حضر الجميد
بحط كيلو لبن وبنزل البيضة وبخفقون وبعدها بحطه على الغاز وبضل بحرك ليغلي البن وبنزل مكعبات الجميد ومكعب ماجي وبنزل مرقة الدجاج ٣ كاسات وبضيف نص ملعقة هيل وربع ملعقة فلفل وبشوف اذا بده ملح بضيف حسب الرغبة وبخليها لحتى يستوي الجميد