نقطع صدور الفراخ مكعبات ونشوحها في ملعقة سمنه بلدي وننزل عليها بالبصله المبشورة ونقلبهم مع بعض لحد ما البصله تصفر

نضيف ملعقة ملح ومعلقه صغيرة كركم وفلفل وعيدان القرفه والقرنفل وحبهانه وورق لورى على الفراخ

ننزل بالماء المغليه على كل ده ونسيب الفراخ تستوي، بعد كدة هنصفي الفراخ من المرقه بتاعتها ونحط المرقه دي على جنب

ننقع الرز البسمتي في ماء لمدة نص ساعة

نرص في الحله بتاعتنا الباذنجان والبطاطس والفراخ ونغطيهم بالرز وننزل عليهم بالمرقه ساخنه ونسيبهم يغلو وبعدين نخفف عليه خالص ونسيبه لحد ما يستوي حوالي نص ساعة

بعد كدة نقلبها في الطبق، وبالهنا والشفا