प्रथम दोन्ही तांदूळ धुवून त्यातील पाणी काढून टाकावे. काजू, बदाम, पिस्ता यांचे काप करून घ्यावेत. कढईत साजूक तूप तापवून त्यात लवंग, दालचिनी व वेलचीची फोडणी करावी. त्यात तांदूळ घालून मंद आचेवर चांगले परतून घ्यावे.

एका बाजूला एका पातेल्यात तांदळाच्या दुप्पट म्हणजे ४कप पाणी गरम करत ठेवावे. त्यात खायचा रंग किंवा केशर घालावे. तांदूळ परतून झाले, म्हणजे प्रत्येक दाणा मोकळा झाला की त्यात रंगाचे गरम पाणी ओतावे. एकसारखे करून भात शिजवून घ्यावा. भात परतताना काळजी घ्यावी म्हणजे तांदूळ मोडणार नाही. भात शिजल्यावर त्यात साखर घालून एकत्र करावे. साखर विरघळून एकसार झाली व भात चांगला शिजला की त्यात वेलचीपूड व सुका मेवा घालून एकत्र करावे.