એક બાઉલમાં પાણી, નમક અને બેકિંગ સોડાને મિક્સ કરો. ત્યાર પછી તેમાં ચણાનો લોટ, પીસેલો અજમો, મરચાની ભૂકી નાંખી મિક્સ કરી લો. ત્યાર પછી આ મિશ્રણનો લોટ બાંધી લો. અડધો કલાક પછી લોટમાં બે ચમચી તેલ ઉમેરી વ્યવસ્થિત બાંધી તેને લોટ ચીકણો કરી લો. આ લોટ ન તો બહુ નરમ હોવો જોઈએ, ન તો બહુ કડક.

હવે આ લોટના નાના-નાના લૂઆ પાડી દો. કોઈ ચીકણી સપાટી પર લૂઆ પાડીને તેની લંબાઈ થોડી લાંબી કરી હથેળીના નીચેના ભાગતી દબાવી લાંબા કરો. આમ લૂઆને આગળ તરફ ફેલાવતા જાવ અને પાતળી પટ્ટી જેવા બનાવી લો.

કડાઈમાં તેલ ગરમ કરવા મૂકી દો. તેલ ગરમ થઈ જાય તો તેમાં 2-3 ફાફડા નાંખી બંને તરફ સોનેરી થાય ત્યાં સુધી તળી લો. ફાફડા તળતી વખતે તેલ એકદમ ગરમ હશે તો જ ફાફડા બરાબર તળાશે. આથી ધીમા તાપે તેલ ગરમ કરી ફાફડા તળવા ન નાંખવા.

ફાફડાને તમે લીલા તરેલા મરચાં અને કઢી સાથે સર્વ કરી શકો છો.