સૌપ્રથમ જો એક વાટકી ની ખીચડી બનાવી હોય તો 1/2વાડકી થુલું અને તેની ઉપર 1/2વાડકી મગની દાળ લેવી અને એક તપેલીમાં પંદર-વીસ મિનિટ માટે પલાળવી આ પલળે ત્યાં સુધીમાં કાંદા, બટાકા, ગાજર બધું શાક સમારીને તૈયાર કરી લેવો આદુ, મરચા, લસણ, તજ, મરી લવિંગ બધો મિક્સરમાં ક્રશ કરીને પેસ્ટ તૈયાર કરી લેવી

હવે એક કૂકરમાં પાંચથી છ ચમચી વઘાર માટે ઘી મૂકવુ ઘી ગરમ થાય એટલે તેમાં રાઈ, આખા મરચાં અને તમાલપત્રનો વઘાર કરવો રાઈ તતડે એટલે તેમાં હિંગ નાંખવી અને પછી બધા શાકભાજી નાખવા અને સાંતળવા દેવા શાકભાજી સાંતળાઈ એટલે બે-ત્રણ મિનિટ પછી આદુ-મરચા-લસણની જે પેસ્ટ તૈયાર કરી હોય તે નાખવી પછી બે મિનિટ તેને સાંતળવું

પછી થુલુ મગની દાળને ૪થી ૫ વાર પાણીથી ધોઈને એક એક વાટકી ખીચડી એ ચાર ગણુ પાણી લઈને કુકરમા રેડવું પછી તેમાં સ્વાદાનુસાર મીઠું હળદર અને લાલ મરચું નાખો લાલ મરચું બહુ જ ઓછું આખું જેથી કરીને થુલાની ખીચડીનો કલર જળવાઈ રહે પછી કુકર બંધ કરીને આઠ થી નવ સીટી મારવી

કૂકર ઠંડું પડે એટલે આ છોલા ની ખીચડી ને સર્વિંગ બાઉલમાં કાઢીને તેને મોળા દહીં સાથે અથવા કઢી સાથે સવૅ કરી શકાય છે આ બહુ જ સરસ અને ટેસ્ટી લાગે છે એકવાર જરૂરથી ટ્રાય કરવો