મેથીના મુઠીયા બનાવવાની રીત :- ઘઉંના લોટમાં ચણાનો લોટ મિક્સ કરી તેમાં મીઠું, તલ, ગરમ મસાલો તથા તેલનું મોણ નાખી લોટ બાંધવો. તેના નાના મુઠીયા વાળી ગરમ તેલમાં તળી લેવા.

લીલો મસાલો બનાવવા માટે :- લીલા નાળીયેરનું છીણ, લીલા વટાણા, પાલકની ભાજી, કોથમીર, આદુ, લીલી મરચી, સિંગદાણાનો ભૂકો, આમચૂર પાઉડર, મીઠું, બધું મિક્સ કરી અને મિક્સરમાં ક્રશ કરી અધકચરો મસાલો તૈયાર કરવો.

બધા શાકભાજીને કાપા પાડી તેમાં ગ્રીન મસાલો ભરવો.

કુકરમાં તેલ મૂકી તેમાં સૂકા મરચાં, હિંગ નાખી તેમાં ભરેલા શાકભાજીનો વઘાર કરી થોડી વાર ચઢવા દેવું. ત્યારબાદ તેમાં 2 કપ પાણી નાખી કુકર નું ઢાંકણું બંધ કરી ૨થી ૩ વિસલ વગાડવી.

કુકર ઠંડુ થયા બાદ એક તપેલામાં શાકભાજી કાઢી અને તેમાં તળેલા મુઠીયા નાખી દસથી પંદર મિનિટ સીઝવા દેવું અને ઉપરથી વધેલો લીલો મસાલો છાટી હલાવવું.

ઉંધિયાને સર્વિંગ બાઉલમાં લઈ કોથમારી, તલ અને લીલા નાળિયેરના છીણથી ગાર્નિશ કરી પૂરી, દહીં અને મનગમતી મીઠાઈ સાથે સર્વ કરો.