सर्वप्रथम शिमला मिरच्या स्वच्छ धुवून घ्यावे आणि आतील बिया काढून बारीक किसून घ्यावी. (किसल्यावर मिरचीतून जर पाणी निघाले तर ते पाणी हाताने पिळून काढून घ्यावे.)

आता एका बाउल मध्ये किसलेली शिमला मिरची घेऊन त्यात धणे-जिरेपूड, तिखट, हिरव्या मिरच्या, चवीनुसार मीठ, हळद आणि बेसन घालून सर्व साहित्य व्यवस्थित मिक्स करून घ्यावे.

मिक्स केलेल्या मिश्रणाचे छोटे-छोटे बॉल्स बनवून घ्यावे. कढईत तेल तापवून सर्व बॉल्स मध्यम आचेवर गोल्डन-ब्राऊन होईपर्यंत तळून घ्यावे. सर्व बॉल्स एका प्लेटमध्ये काढून बाजूला ठेवावे.

आता ग्रेव्ही बनविण्यासाठी त्याच कढईत तेल घालून त्यात जिऱ्याची फोडणी द्यावी. त्यानंतर त्यात कांद्याची पेस्ट घालून 2 ते 3 मिनिटे कांदा गुलाबी रंगाचा होईपर्यंत परतून घ्यावा.

आता त्यात आले-लसूणपेस्ट, हिरव्या मिरच्या आणि टोमॅटो प्युरी टाकून मिक्स करून घ्यावे. प्युरी 2 ते 3 मिनिटे शिजवून घ्यावी.

आता त्यात हळद, तिखट, धणे-जिरेपूड आणि चवीनुसार मीठ घालून मिक्स करून घ्यावे. आता त्यात ग्रेव्ही पुरते थोडे पाणी टाकावे आणि कढईवर झाकण ठेवून एक उकळी काढावी.

आता त्यात तळलेले कोफ्त्याचे बॉल्स टाकावे. वरुन गरम मसाला घालून 4 ते 5 मिनिटे शिजवून घ्यावे.