સૌથી પહેલાં જાડા તળિયાના વાસણમાં ક્રમાનુસાર અડદનો લોટ, ઘઉંનો લોટ અને કાટલું પાઉડર ને કોરા શેકી અલગ રાખવા. હવે એ જ વાસણમાં થોડું ઘી ગરમ મૂકી તેમાં ગુંદદાણા ને તળી લેવા.અને બધું જ અલગ રાખવું.

હવે એક વાસણમાં ત્રણ મોટા ચમચા ઘી ઉમેરી ઘઉંના લોટને બદામી રંગનો થાય અને સુગંધ પ્રસરે ત્યાં સુધી શેકો ફરી એક ચમચો ઘી ઉમેરી અડદનો લોટ પણ દસથી પંદર મિનિટ ધીમા તાપે શેકો.હવે ફરીથી એક બે ચમચા ઘી ઉમેરી ક્રમાનુસાર કાટલું મેથી પાઉડર અને સૂંઠ ઉમેરીને ૭/૮ મિનીટ સુધી પકાવો અગર મિશ્રણ કોરું પડતું જણાય તો થોડું ઘી ઉમેરતા રહેવું.

મિશ્રણ તૈયાર થઇ ગયા બાદ વાસણને ગેસ પરથી ઉતારી તેમાં ગુંદાણા અને ગોળ ઉમેરો.ધ્યાન રહે કે ગોળ ઉમેરતાની સાથે મિશ્રણ તરત જ કોરું પડતું જશે માટે થોડું થોડું જ ઘી નાખવું.

હવે થાળીને ઘી થી ગ્રીસ કરી મિશ્રણ ઉમેરી અને એક સરસ થર કરી પાથરવું અને ઉપર ટોપરા પાઉડર થી સજાવી રૂમ ટેમ્પરેચર પર ઠરે ત્યારે કાપા પાડો અને સર્વ કરો.