ज्वारीच्या पिठात बेसन पिठ,तिखट,मीठ,हळद,हिंग घालून एकत्र करून घ्या.

आता कांदा व मेथी घालून लागेल तसे पाणी घालून मऊसर गोळा भिजवून पाच मिनिट ठेवून द्या.नंतर गोळ्याचे दोन भाग करा.

तव्यावर अर्धा टेबल स्पून तेल घालून तव्याला लावून घ्या. थंड तव्यावरच हाताने थापून थालिपीठ लावून घ्या. त्याला बोटाने छीद्रे पाडून घ्या.

आता त्या छिद्रात एक-दोन थेंब तेल घालून घ्या.तवा गॅसवर लो मिडीयम फ्लेमवर खरपूस शेकून घ्या. एका बाजूने दोन-तिन मिनिट भाजा(थालीपीठ एका बाजूने भाजायचे म्हणजे वाफेचे तर गॅस फ्लेम स्वीम ठेवून पाच-सात मिनिट भाजावे) मला दोन्ही बाजूनी भाजून घेतलेले आवडते ते मी भाजले.तव्यावर झाकण ठेवून भाजावे.

आता मिरची गॅसवर जाळी ठेवून किंवा चीमट्यात पकडून भाजून घ्या.थालीपीठ मिरची व शेंगदाणे सोबत सर्व्ह करा. हवे असल्यास थालिपीठावर कच्चे तेल लावून खाऊ शकता.