સૌ પ્રથમ એક કડાઈમાં એક ટેબલસ્પૂન તેલ ઉમેરો અને એમાં મેથી સાંતળી લો. મેથી સંતાઈ જાય પછી એને બહાર કાઢી લો.

હવે એક કડાઈમાં ૨ ટેબલસ્પૂન તેલ ઉમેરો અને એમાં કાપેલી ડુંગળી સાંતળી લો. ડુંગળી બરાબર સંતળાઈ જાય પછી એમાં આદુ લસણ અને મરચા ઉમેરો.

એક મિનિટ સાંતળ્યા પછી એમાં ટામેટા ઉમેરો અને થોડું પાણી રેડીને ઢાંકીને બરાબર ચડવા દો. ટામેટા બરાબર ચડી જાય પછી ગેસ બંધ કરી દો અને મિશ્રણને ઠંડુ થવા દો. ઠંડુ થઈ જાય પછી એને મિક્સર માં ક્રશ કરી લો અને ગ્રેવી બનાવી લો.

હવે એક કડાઈમાં ઘી અને ૩ ટેબલ ચમચી તેલ ઉમેરો. તેલ ગરમ થઈ જાય પછી તેમાં તમાલપત્ર, તજ, ઈલાયચી અને જીરૂ ઉમેરો અને પછી એમાં બનાવેલી પેસ્ટ ઉમેરી દો. હવે પેસ્ટને બે મિનિટ માટે ચઢવા દો. ચડી જાય પછી એમાં ધાણાજીરું અને મીઠું ઉમેરો અને બરાબર મિક્સ કરી લો.

ત્યારબાદ તેમાં સાંતળેલી મેથી અને બાફેલા વટાણા ઉમેરો અને બરાબર મિક્સ કરી લો. હવે એમાં કાજુની પેસ્ટ ઉમેરો અને ખાંડ ઉમેરો. બધું બરાબર મિક્સ કરીને ઢાંકીને ત્રણથી ચાર મિનિટ માટે ચઢવા દો.

ચાર મિનિટ પછી એમાં મલાઈ અને ગરમ મસાલો ઉમેરો અને બરાબર મિક્સ કરીને ઢાંકીને બે મિનિટ માટે ચઢવા દો.

તો આપણી ગરમાગરમ મેથી મટર મલાઈ ની એકદમ ક્રિમી અને ટેસ્ટી સબ્જી તૈયાર છે. તમે એને નાન કે પછી પરાઠા સાથે સર્વ કરી શકો છો.આ સબ્જી ખાવામાં બહુ જ ટેસ્ટી લાગે છે.