મમરા ને સરસ સેકી લો. મેં ઓવનમાં સેકીયા છે. તમે તાવડીમાં મુકી ને પણ સેકી સકો છો. મમરાં સરસ સેકાઈ જાય એટલે એક વઘારીયામાં તેલ લો, તેમાં શીંગદાણાં ઉમેરો અને સરસ ગુલાબી સેકી લો. હવે એમાં વરીયાળી, આખાધાણાં, હીંગ, લીમડો ઉમેરો. લીમડો સરસ કડક થાય એટલે હળદર ઉમેરી મીક્ષ કરી બરોબર મીક્ષ કરી લો અને એને સેકેલાં મમરાં મા ઉમેરી સરસ બધું હલાવી લો.

હવે તેમાં તળેલાં પાપડ નો ભુકો કરી ઉમેરો. પાપડ ની જગ્યાએ પાતલા મઠીયા પણ ઉમેરી સકાય છે. મેં આજે એમાં તળેલા અડદનાં પતલાં મઠીયા ઉમેર્યાં છે. પાતળા મઠીયા પણ અડદ નાં લોટ માંથી બંને છે, એટલે પાપડ ચવાણા નો ટેસ્ટ બહુ જ સરસ એકદમ બહાર જેવો જ આવે છે.

હવે, તેમાં લાલ મરચું, મીઠું, સફેદ મરચું, વાટેલા લીંબુ ના ફુલ અને દળેલી ખાંડ ઉમેરો. બધું સરસ મીક્ષ કરી લો. તેમાં ઝીણી સેવ ઉમેરો. બધું સરસ રીતે હલાવી ને મીક્ષ કરો અને તૈયાર છે ટેસ્ટી પાપડ ચવાણું. પાપડ ચવાણું ખંભાત નું ખુબ જ ફેમસ છે, આ ચવાણું ત્યાં મળે છે એવું જ આ સ્વાદિષ્ટ લાગે છે, અને ખુબ જ ઝડપથી બની જાય છે. એકદમ બહારનાં પાપડ ચવાણાં જેવો જ ટેસ્ટ આવે છે.

સ્વાદિષ્ટ પાપડ ચવાણું તૈયાર છે. તમે પણ જરુર થી બનાવી ને જોજો. ડબ્બા માં ભરી ૨-૩ અઠવાડિયા માટે આરામથી રાખી શકાય છે. અમારી ઘરે તે બધા ને એટલું બધું ભાવે કે બહુ જ જલદી વપરાઈ જાય છે.

પાપડ ચવાણું, કોફી અને પારલેજી મારો પરફેક્ટ નાસ્તો.