प्रथम मटण खिमा स्वच्छ धुऊन तो चाळणी मध्ये निथळत ठेवावा. मिक्सरच्या भांड्यामध्ये आलं-लसूण व कोथिंबीर याची पेस्ट करून घ्यावी. मटण खिमा मध्ये आले लसूण व कोथिंबीर ची पेस्ट करावी मग त्यामध्ये तिखट,मीठ,हळद व काळा मसाला घालून हे मिश्रण तेल घालून थोडेसे मिक्स करून घ्यावे. मग हे सर्व मिश्रण मिक्सर मध्ये बारीक वाटून घ्यावे.

मिक्स केलेल्या मिश्रणाचे छोटे छोटे बॉल्स बनवून घ्यावेत हे बॉल्स बनवताना हाताला तेल लावावे म्हणजे हाताला हे मिश्रण चिटकत नाही. मी फोटो दाखवल्या प्रमाणे सर्व बॉल्स बनवून घ्यावे.

एका कढईमध्ये तेल घालावे तेल व्यवस्थित गरम झाल्यावर आपण बनवलेले हे कीमा बॉल्स तेलामध्ये घालावेत.हे सर्व बॉल्स साधारण पाच ते दहा मिनिटे व्यवस्थित फ्राय झाल्यावर त्यामध्ये आता आपण परत लाल तिखट पावडर काळा मसाला व थोडेसे मीठ घालावे. मग ताटलीमध्ये पाणी ठेवून हे बॉल्स वाफवून घ्यावेत.

तोपर्यंत आपण सुके खोबरे कट करून ते तव्यावर फ्राय करून घ्यावे व त्याची मिक्सरवर पेस्ट करून घ्यावी.मग ही पेस्ट आपली खिमा पूर्णतः शिजल्यावर त्यामध्ये ऍड करायची आहे या बॉल्स मध्ये आपण पाणी घालायचे नाही ताटलीवर जेवढे पाणी आहे तेवढ्यावरच हे बॉल्स आपल्याला शिजू द्यावे.

आता यानंतर साधारण पाच ते दहा मिनिटे मंद आचेवर शिजू द्यावे. असे हे कीमा बॉल्स सर्व करण्यासाठी तयार आहेत हे तुम्ही चपाती किंवा ज्वारीच्या भाकरी बरोबर खाऊ शकता.