संत्रे स्वच्छ धुवून घ्यावेत. त्याचा गरसहित रस काढून घ्यावा. 4 संत्रे सोलून घेवून फोडी स्वच्छ करून घ्याव्यात. तसेच त्या संत्राची साले ठेवावीत. कारण सालांमुळे जॅमला चांगली चव येते.

सालांना पाण्यात 3-4 मिनिट उकळून घ्यावे. त्यानंतर ते साले, घेऊन त्याचा पांढरा भाग चमच्याने खरडवून काढून घ्यावा. नंतर त्याचे चाकूने बारीक उभे तुकडे करून घ्यावे.

आता एका मोठ्या भांड्यात रस ओतून घ्यावा. त्यात सालाचे केलेले तुकडे टाकावे. तसेच, सोललेल्या संत्र्याच्या फोडी टाकाव्यात.

मिक्स केल्यानंतर त्यात लिंबाचा रस पिळावा.

रसा एवढीच साखर टाकून मिक्स करून घ्यावे. आता गॅस सुरू करून त्यावर रसाचे भांडे ठेवावे. मोठ्या आचेवर शिजवावे.

सतत ढवळत राहावे. नाहीतर उतू जाण्याची शक्यता असते. 30- 40 मिनिट झाल्यावर एका प्लेट मध्ये थोडासा जॅम टाकून 5 मिनिट फ्रीज मध्ये ठेवावे. तोपर्यंत गॅस कमी करावा. 5 मिनिटांनी प्लेटमध्ये असलेल्या जॅम मध्ये मध्ये बोटाने रेष पाडून ती जर तशीच राहिली तर जॅम झाले असे समजावे.

नाहीतर पुन्हा थोडेसे शिजू द्यावे. अशाप्रकारे जॅम तयार झालेले आहे. थंड झाल्यावर बरणीमध्ये भरून ठेवावे. ब्रेडसोबत किंवा पोळी सोबत खाण्यास छान लागते.