હવે, લોટ ને સરસ મસળી લો. બધું જ સરસ મીક્ષ કરી લો. કેક ના પેન માં મેં જરા ઘી લગાવી વેક્ષ પેપર કટ કરી ને મુક્યું છે. હવે, બનાવેલાં કુકી માં માળ ને થોડો થોડો લઈ પેન માં પાથરી લો. બહુ જ જાડું નથી કરવાનું. સરસ રીતે હાથ થી દબાવી ને એક સરખું એક લેયર કરી લો.

મેં થોડું બાકી રાખ્યું હતું અને અને ૭ જેવાં નાનાં ના લુઆ કરી કપ કેક નાં મોલ્ડ માં મુકી ને બેક કર્યાં છે. એની ઉપર આઈસીંગ કરી ચોકલેટ મુકી છે. એને બેક થતાં ૧૩ મીનીટ જેવું થયું હતું.

હવે, અને ઓવનમાં ૧૮૦ °C પર ૨૦-૩૦ મીનીટ જેવું બેક કરો. આ કુકી ની કેક છે એટલે બહુ કડક નથી કરવાનું ખાલી સરસ બેક થઈ જવું જોઈએ. બધા ઓવન અલગ હોય છે, એટલે ટાઈમ થોડો અલગ લાગે છે. મારે ૨૭ મીનીટ જેવો ટાઈમ થયો હતો. ટુથપીક નાંખી ને ચેક કરી લેવું કે બરોબર કુક થયું છે કે નહિ. એને ઓવનમાથી કાઢી ૧-૨ કલાક માટે ઢંડુ પડવા રાખો. પછી કેક પેન માંથી કાઢી કેક સ્ટેન્ડ પર મુકો, અને ગમતી ડિઝાઈન કરી frosting કરી લો. જો ના કરવું હોય તો એકલી પણ આ કુકી કેક સરસ લાગે છે. ગરમ ગરમ કુકી કેક જોડે વેનીલા આઈસકી્મ પણ બહુ જ સરસ લાગે છે.

વેનીલા આઈસીંગ બનાવવા માટે બટર ને સરસ ફેંટી લો, તેમાં ખાંડ, વેનીલા એસેન્સ અને ૨ ચમચી દૂધ નાંખી સરસ હેન્ડ મીક્ષર થી એકદમ સરસ સ્મુધ થાય ત્યાં સુધી મીક્ષ કરો. મેં એને મીક્ષ કરી ૧૦ મીનીટ ઠંડુ કરવા મુક્યું હતું, એટલે થોડું ટાઈટ થઈ જાય. પછી એને પાઈપીંગ બેગ માં ભરી કૂકી કેક પર ગમતી ડિઝાઈન કરો.

કુકી કેક પર વેનીલા આઈસીંગ કરી ચોકલેટ ચીપ અને હશીઁ કીસીસ ચોકલેટ થી ડેકોર કર્યું છે.