ટામેટાં નું સ્ટફિંગ ભરવા માટે બાફેલા બટાકાને મેશ કરી લો અને ફૂલકોબી ને ખમણની લો. એક કડાઈમાં તેલ મૂકી હિંગ, આદું મરચા લસણ ની પેસ્ટ વઘાર કરી ફુલકોબી અને બટેટું નાખી સાંતળો. ત્યારબાદ તેમાં સ્વાદ અનુસાર મીઠું,હળદર અને કોથમીર નાખી મિક્સ કરો. તો તૈયાર છે સ્ટફિંગ... બે-ત્રણ ચમચી મસાલો ગ્રેવી મા નાખવા માટે અલગ રાખી દો અને બાકીના મસાલો ટમેટામાં ભરી લો.

ગ્રેવી નો મસાલો બનાવવા માટે કાજુ, બદામ સીંગદાણાબી, તલ, વરિયાળી, જીરું અને આખા ધાણા ને મિક્સરમાં વાટી લો. ટામેટા અને ટામેટા ના પલ્પને મિક્સરમાં પીસી ગ્રેવી બનાવી લો

એક કડાઇ માં તેલ મૂકી તેમાં હિંગ અને લસણનો વઘાર કરો. ત્યારબાદ બનાવેલું ડ્રાય મસાલા ને તેમાં સોતે કરી લો. ત્યારબાદ તેમાં ટામેટા ની ગ્રેવી નાંખી મિક્સ કરો. હવે તેમાં લાલ મરચું પાઉડર, ધાણાજીરું પાઉડર, હળદર, મીઠું,ખાંડ અને ગરમ મસાલો નાખી ઉપર તેલ છૂટું પડે ત્યાં સુધી ધીમા તાપે પકાવો.

ઉપર તેલ છૂટું પડે ત્યાર બાદ ટામેટા સ્ટફિંગ માટે નો મસાલો ગ્રેવી માં નાખી મિક્સ કરો. તો ગ્રેવી તૈયાર છે. ગ્રેવી ને ધીમા તાપે ઉકળવા દો

બીજી કડાઈમાં તેલ લઇ તેલ ગરમ થાય એટલે તેમાં ભરેલા ટામેટા વઘારી લો.

ટામેટા થોડા સોફ્ટ થાય તેટલા ચડવા દો. ત્યારબાદ ટામેટા માં ગરમ ગ્રેવી નાખી 2 થી 5 મિનિટ માટે ધીમા ગેસ ઉપર થવા દો.

તૈયાર છે ભરેલા ટામેટાનું શાક ખૂબ જ સ્વાદિષ્ટ લાગે છે....