બધું રેડી કરી લો

ત્યારબાદ તમારે એને 20 મિનિટ સુધી પાકવા દેવાનો છે. તમારે એને ફુલ ગેસે ઉપર જ સ્ટીમ કરવાનો છે. હવે 20 મિનિટ પછી લોટને કુકર માંથી બહાર કાઢીને ઠંડો કરવા મૂકવાનો છે. લોટ ઠંડો થઇ ગયા પછી તે કપડાને ખોલી દો. હવે તમારે લોટ કડક થઇ ગયો હશે, તો તમે એને મીક્ષર વડે અથવા અન્ય કોઈ રીતે પાછો પાઉડર જેવો કરી દો.

 તમારે ચકરી માટે મસાલા વાળો લોટ તૈયાર કરવાનો છે. તો એના માટે આ તૈયાર કરેલા લોટમાં બધા મસાલા નાખી દેવાના છે. પછી એને મિક્સ કરી ધીરે ધીરે એમાં છાસ ઉમેરતા જાવ અને લોટ બાંધતા જાવ. મિત્રો આ લોટ બનાવવા માટે તેમાં દહીં નાખીને જ લોટ બાંધવો અને જયારે દહીં પતી જાય, તો જ એમાં પાણીનો ઉપયોગ કરવાનો છે. નહિ તો પાણીનો ઉપયોગ કરવાની જરૂર નથી.

 લોટ તૈયાર થઇ ગયા પછી ચકરી વણવાનો સંચો અથવા એના માટેનું વાસણ લેવાનું છે. અને જે ચકરી બનાવવાની જાળી છે એમાં તેલ લગાવી દેવાનું છે. હવે સાથે સાથે ગેસ ઉપર પણ તળવા માટે તેલ ગરમ કરવા મૂકી દેવાનું છે. ત્યારબાદ એક પ્લેટ લઇ તેના ઉપર ચકરી બનાવી દેવાની છે, અને ધ્યાન રાખવાનું છે કે ચકરીના પહેલા અને છેલ્લા છેડાને જોઈન્ટ કરી દેવાના છે.

આ રીતે બધી ચકરી બની ગયા પછી એને ધીમા ગેસે તળી લેવાની છે. આ સમયે ધ્યાન રહે કે તે એક બાજુ બ્રાઉન થઇ જાય ત્યાર બાદ તેને પલટાવી દેવાની છે. જયારે ચકરી બંને સાઇડથી બ્રાઉન થઇ ગયા પછી તેને બહાર કાઢી લેવાની છે. હવે તમારી ઘઉંના લોટની ચકરી તૈયાર છે, અને તે ઠંડી થઇ ગયા બાદ તેને એક નાના ડબામાં મૂકી 15 થી 20 દિવસ સુધી એનો ઉપયોગ કરી શકો છો.