સૌ પ્રથમ ગુંદાને સારી રીતે ધોઈ કોરા કરી લેવા. તેના ઠળીયા કાઢીને મીઠાથી ચીકાશ કાઢી લેવી. મરચામાં પણ કાપો પાડી લેવો.

એક પેનમાં ચણાનો લોટ કોરો j શેકી લેવો. ઠરે એટલે તેમાં મીઠું, હળદર, ધાણાજીરું, ખાંડ અને 3 ટેબલસ્પૂન તેલ ઉમેરી બરાબર મિક્સ કરી લેવું.

હવે ગુંદા અને મરચાં દાબીને ભરી લેવા. એક લોયામાં તેલ મૂકી તેમાં રાઈ જીરું અને હિંગ નો વઘાર કરી ને તેમાં ગુંદા અને મરચાં વઘારી દેવા.....ઢાંકીને ધીમા તાપે ચડવા દેવા.

ગુંદા બરાબર ચડી જાય એટલે તેમાં ઉપર થોડો લોટ ભભરાવી ને 5 મિનિટ માટે ઢાંકી દેવું. હવે બરાબર હલાવી પ્લેટ માં કાઢી લો. ગરમાગરમ સર્વ કરો.