सर्वप्रथम बटाटेचे छिलके काढून व्यवस्थित मॅश करून घ्यावे.

पालक, कांदा आणि हिरव्या मिरच्या बारीक चिरून घ्यावे.

आता एका कढईत तेल घालून ते तापल्यावर त्यात जीरे घालावे. जीरे तडतडल्यावर त्यात कांदा घालून तो गुलाबी रंगाचा होईपर्यंत परतून घ्यावा. त्यानंतर त्यात हिरव्या मिरच्या टाकावे.

आता त्यात आले-लसूणपेस्ट आणि कोथिंबीर घालून 2 ते 3 मिनिटे परतून घ्यावे.

आता त्यात पालक आणि मॅश केलेले बटाटे टाकून सर्व साहित्य मिक्स करून घ्यावे.

आता त्यात तांदळाचे पीठ, बेसन आणि चवीनुसार मीठ घालून मिश्रण एकजीव करून घ्यावे. हे मिश्रण 2 ते 3 मिनिटे परतावे. परतल्यानंतर एक घट्ट गोळा बनलेला दिसेल.

हा गोळा एका प्लेट मध्ये काढून थंड होऊ द्यावा. थंड झाल्यावर दोन्ही
हाताला थोडे तेल लावून त्याचे छोटे-छोटे बॉल्स बनवून घ्यावे. कढईमध्ये तळण्यापूरते तेल घालून सर्व बॉल्स मध्यम आचेवर गोल्डन-ब्राऊन होईपर्यंत तळून घ्यावेत.