प्रथम बटाटे स्वच्छ धुवून त्याची साल काढून त्याला फोर्कने टोचे मारून कुकरमध्ये ठेवून एक शिट्टी मारावी. बटाटे शिजले की गार करून द्यावेत.

एक कढई घेऊन त्यात तेल घालून तेल गरम झाल्यावर बटाटे लालसर रंगावर तळून काढावेत.

त्याच कढईत परत तेल घालून त्यात उभा चिरलेला कांदा, लाल मिरची,लसूण,आलं आणि काजू परतून घ्यावे कांदा परतून गुलाबीसर झाला कि त्यात टोमॅटो बारीक चिरलेले टोमॅटो घालावेत त्यात थोडंसं मीठ घालावं म्हणजे टोमॅटो आणि कांदा लवकरच शिजतात.

टोमॅटो शिजला कि एका ताटलीत काढून सर्व मिश्रण गार करायला ठेवावे,गार झाल्यानंतर त्याची मिक्सरमध्ये पेस्ट करावी.

आता आता एक कढई घेऊन त्यात तेल गरम करून त्यात खडा मसाला म्हणजेच दोन तमालपत्र, दालचिनी,काळी मिरी, जीरे घालून एक मिनिट परतून घ्यावे मग त्यात मिक्सरमध्ये वाटलेली पेस्ट घालावी.

तेल सुटेपर्यंत परतून घ्यावे मग त्यात मसाले घालून चवीपुरते मीठ घालून परत एकदा ढवळून घ्यावे ग्रेव्ही घट्ट वाटली तर त्यात थोडे पाणी घालावे. एक उकळी आल्यावर त्यात तळलेले बटाटे घालावेत.

मग त्यात बारीक चिरलेली हिरवी मिरची घालावी आणि एकदा परत दोन मिनिटे परतावे. वरून थोडी बारीक चिरलेली कोथिंबीर घालावी. वरून थोडे डेकोरेशन साठी क्रीम घालावे.

आणि गरमागरम सर्व्ह करावे.