સોં પ્રથમ એક કડાઈ માં તેલ ગરમ કરવા મુકવું, તેલ થાય એટલે ઇલાયચી, મરી, તજ, લવિંગ, જીરું અને લસણ ની આખી કળી મુકી બધું સાંતળી લેવું. પછી તેમાં આદુ-મરચા ની પેસ્ટ ઉમેરવી. હવે તેમાં બે નંગ કાંદા(મોટા સમારેલા)અને કાજુ ઉમેરી ફરી પાછુ 4-5 મિનિટ માટે સાંતળી લેવું. હવે તેમાં 4 નંગ ટામેટાં(મોટા સમારેલા)સાંતળવા, તે થોડા સોફ્ટ થાય એટલે હળદર, લાલ મરચું પાઉડર, ધાણા જીરું ઉમેરવું.

હવે બધો મસાલો સરસ મિક્ષ કરી 1 કપ જેટલું પાણી ઉમેરી ફરી પછી ગ્રેવી ને 3-4 મિનિટ માટે ઉકળવા દેવું.

હવે ગ્રેવી ને થોડી ઠંડી થાય એટલે ક્રશ કરી ગાળી લેવું. હવે ફરી પાછુ એક પેન માં તેલ અને બટર મુકી લસણ ની પેસ્ટ સાંતળી લેવી. હવે તેમાં લાલ મરચું પાઉડર, કસૂરી મેથી ઉમેરી પછી ગ્રેવી નાખવાની. હવે ઢાંકણ ઢાંકી ને 2 મિનિટ થવા દેવું.

હવે તેમાં ફ્રેશ ક્રીમ, કિચન કિંગ મસાલો, અને પનીર ઉમેરી બધું સરસ મિક્ષ કરી 4-5 મિનિટ માટે થવા દેવું.

આ સબ્જી ગરમ સર્વ કરી, તેનો સ્વાદ માણો.