ગ્રીન કરી પેસ્ટ માટેની સામગ્રીમાંથી મરી,ધાણા અને જીરુ ને પીસી લેવું.

તેમાં બાકીની સામગ્રી ઉમેરી જરુર મુજબ પાણી ઉમેરી પેસ્ટ બનાવી લેવી.

ડુંગળી, કોબીજ,કેપ્સીકમ ને લાંબા સમારી લેવા. ગાજર અને ફણસીને પણ લાંબા પાતળા સમારી લેવા. મકાઇના દાણા, ફણસી અને ગાજરને મીઠું અને પાણી નાખી 2 મિનિટ માટે માઇક્રોવેવ કરી લેવા. ટોફૂને પણ લાંબુ પાતળું સમારી લેવું.

નુડલ્સ ને બાફી ને ઠંડા કરી લેવા.

એક પેનમાં ઓઈલ મૂકી તેમાં ડુંગળી નાખી થોડીવાર માટે કુક કરવી. તેમાં કોબીજ, કેપ્સીકમ નાખી ફાસ્ટ ગેસ પર સાંતળવા. 1-2 મિનિટ પછી તેમાં બધા વેજીસ નાખી સાંતળવા.ત્યાર બાદ ટોફૂ નાખીને મિક્સ કરવું.

હવે તેમાં થાઈ ગ્રીન કરી પેસ્ટ નાખી દેવી. 1-2 મિનિટ સુધી શેકવું. હવે તેમાં કોકોનટ મિલ્ક નાખી દેવું. ત્યારબાદ નુડલ્સ નાખી મીઠું નાખી અને મિક્સ કરવું.

ત્યારબાદ સહેજ મિલ્કનો ભાગ બળી જાય એટલે નુડલ્સ તૈયાર હશે. તેને ગરમાગરમ સર્વ કરવા.