સૌપ્રથમ ચણાના લોટ ને એક વાસણ માં ચાળી લેવો ત્યારબાદ દૂધની અંદર બે-ત્રણ ચમચી ઓગાળેલું ઘી ઉમેરી ચણાના લોટ માં નાખી બરાબર મિક્સ કરવું.પછી ઘઉં ચાળવા ના ચાળણા થી ચાળી લેવું.

હવે એક કડાઈ માં ઘી લઈ ગેસ ઉપર મધ્યમ તાપે મુકી ઘી ઓગળે એટલે તેમાં ચણાનો લોટ નાખી ધીમા તાપે શેકવો.

લોટ ગોલ્ડન બ્રાઉન કલર નો થઈ જાય ત્યાં સુધી લોટ ને શેકવો. ત્યાર પછી ગેસ બંધ કરી તેમાં દળેલી ખાંડ ઉમેરી બરાબર મિક્સ કરવું.

ત્યારબાદ એક થાળી માં કે ટ્રે માં ઘી લગાવી તેમાં શેકેલા લોટ નું મિશ્રણ પાથરી દેવું. પછી ઉપર પિસ્તા-બદામ ની કતરણ ભભરાવવી અને હલકા હાથે તવેથા થી પ્રેસ કરવું.પછી ત્રણ-ચાર કલાક ઠંડુ થવા દેવું. ત્યારબાદ મનપસંદ આકારમાં પીસ કટ કરી લેવા. તો તૈયાર છે કણીદાર મગસ.