એક પેન લો તેમાં 1 ટે સ્પૂન તેલ લઈ જીરું તતડાવો ત્યાર બાદ તેમાં ડુંગળી અને ગાજર ઉમેરો બંને થોડું સોફ્ટ થાય એટલે તેને એક બાઉલ માં લઈ લો. હવે તેમાં બાફેલ બટાકા ને મેશ કરી લો અને ઉપરના બધા મસાલા એડ કરી પકોડા નું સ્ટફિંગ રેડી કરી લો.

હવે બ્રેડ પર બટર લગાવી એક બાજુની બ્રેડ પર લીલી ચટણી લગાવી લો અને બીજી બ્રેડ પર બટર અને સ્ટફિંગ લગાવો. ચટણી લગાવેલ બ્રેડ પર ચીઝ ની સ્લાઈસ મૂકો. (ચીઝ ની બદલે પનીર પણ મુકી શકો)હવે બને બ્રેડ ને ભેગી કરી દો ને સેન્ડવીચ રેડી કરો.

હવે એક બાઉલમાં ચણાનો લોટ લઈ તેમાં મીઠું અને ઉમેરી પાણી મિડયમ બેટર બનાવી લો. બેટર બહું જાડું ન રાખવું બ્રેડ પર કોટ થાય એટલું જ પાતળું રાખવું

એક બાજુ તેલ ને ગરમ કરવા રાખી દો. તેલ ગરમ થાય એટલે તૈયાર કરેલી સેન્ડવીચ ને બેટરમાં ડીપ કરી ફ્રાય કરી લો. આવી રીતે બધી સેન્ડવીચ ને ડીપ ફ્રાય કરી લો અહીં તમે શેલો ફ્રાય પણ કરી શકો. તો તૈયાર આપણા ગરમા ગરમ બ્રેડ પકોડા. તેને તમે ગરમ ગરમ ચા સાથે સર્વ કરી ને સાંજની મઝા માણો. 😊