सर्व सामग्री एकत्र ठेवावी. एका बाउल मध्ये राजगिरा पीठ, शिंगाडा पीठ, भिजलेला साबुदाणा टाकावा.

बटाटे उकडून, सोलून किसून घ्यावे. मिरची बारीक चिरून घ्यावी.

बाउल मधील पिठामध्ये, बटाटे, मिरची, जीरे पूड, मिरे पूड, मीठ घालून मिक्स करावे. गरजेप्रमाणे पाणी टाकून, थोडे थोडे, गोळा करून घ्यावा. आणि 10 मिनिट झाकून ठेवावे.

आता मळलेल्या पिठातील एक मध्यम आकाराचा गोळा घेवून, प्लास्टिक पेपरवर, किंचित तेल लावून, जाडसर लाटून घ्यावे. थालीपीठ जाड च ठेवावे. तो पर्यंत बाजूला गॅसवर, तवा गरम करण्यास ठेवावा, तवा गरम झाल्यावर, मध्यम आचेवर, लाटलेले, थालीपीठ, तेल किंवा तूप टाकून खरपूस भाजून घ्यावे.

अशा प्रकारे, मस्त खरपूस भाजलेले, उपवासाचे, राजगिरा पिठाचे, तयार करून घ्यावे.

आता हे पोटभरीचे थालीपीठ गरम, दही, चटणी, किंवा लिंबाच्या लोणचे, सोबत सर्व्ह करावे.