સૌપ્રથમ એક ઊંડા વાસણમાં દહીંનો મસ્કો અને મલાઈ મિક્ષ કરીને બરાબર ફીણો એટલે એકદમ સરસ ક્રીમી મિશ્રણ તૈયાર થશે.હવે તેમાં કેરીનો રસ ઉમેરીને બરાબર મિક્સ કરો.

હવે આ મિશ્રણમાં દૂધ ઉમેરીને એક કે બે ચમચી બૂરું ખાંડ નાખીને મિક્ષ કરો.

લસ્સી ખાટી - મીઠી હોય એટલે તમને ભાવે એ મુજબ ખાંડ ઉમેરવી અને દૂધ પણ જો તમને થોડી પાતળી લસ્સી ગમે તો વધુ ઉમેરવું.આ લસ્સી ચમચીથી ખવાય એવી થોડી જાડી બનશે એમુજબ રીત આપી છે.

ત્યારબાદ આ મિશ્રણને serving ગ્લાસમાં રેડીને તેમાં કેરીના થોડા ટુકડા,થોડા કાજુના ફાડિયા ઉમેરીને બરાબર હલાવી દો. ઉપરથી ફરી કેરીના ટુકડા અને કાજુના ફાડિયા મૂકીને સજાવો.