સૌપ્રથમ દૂધને એક નોનસ્ટિક પેનમાં ઉકળવા મૂકો.દૂધ ઉકળીને 1/2 થઇ જાય એટલે તેમાં કેરીનો રસ નાખી મિક્સ કરો. હવે આ કલાકંદ માં લીંબૂનો રસ નાખવાની જરૂર નથી કેરીના રસને લીધે જ તે દાણેદાર થઈ જશે.

હવે સતત ધીમા ગેસે હલાવતા રહેવું. લગભગ પોણા ભાગનું મિશ્રણ થઈ જાય એટલે તેમાં ખાંડ નાખી ફરીથી મિક્સ કરો. અને હવે તેમાં મિલ્ક પાઉડર નાખતા જાવ અને મિક્સ કરતા જાઓ મિલ્ક પાઉડર ના કલોટ ના થાય તેનું ખાસ ધ્યાન રાખો. હવે એકદમ ઘટ્ટ થઈ જાય એટલે હથેળીમાં એક નાની ગોળી વાળી જુઓ. જો સરસ તે વડી જાય તો સમજવાનું કે આપણું મિશ્રણ કલાકંદ માટે તૈયાર છે. ગેસ ઓફ કરી દેવો.

હવે એક પ્લેટમાં કાઢી આ મિશ્રણને ઠંડુ થવા દેવું. એક થાળીમાં ઘી થી ગ્રીસ કરી અને પીસ્તા ની કતરણ તેની ઉપર પાથરી દો અને તેની ઉપર ઠંડું થયેલું આ કલાકંદનું મિશ્રણ પાથરી દો. બધી બાજુ એકસરખું સ્પ્રેડ કરી દો. હવે તેને મનપસંદ આકાર તમે આપી શકો છો. મેં અહીં એક મોટું હાર્ટ બનાવ્યું છે અને આજુબાજુ નીકળેલ વેસ્ટમાંથી તેના નાના-નાના હાર્ટ બનાવી અને ડેકોરેટ કર્યા છે તેની ઉપર સિલ્વર લગાડી દો.