एका पातेल्यात साबुदाणा घेऊन तो स्वच्छ धुवा आणि त्यामध्ये अर्धा इंच पाणी घालून हा साबुदाणा आठ तास भिजत ठेवा.

मिक्सरच्या भांड्यामध्ये हिरव्या मिरच्यांचे तुकडे आल्याचे तुकडे आणि कोथिंबीर घालून बारीक वाटून घ्या.

आता भिजवलेला साबुदाणा हाताने एकसारखा करून घ्या आणि त्यामध्ये दाण्याचा कूट मीठ साखर घालून व्यवस्थित एकत्र करा. आता कढईमध्ये तूप घालून शेंगदाणे तळून घ्या. नंतर त्याच तुपामध्ये जीरे घालून खमंग फोडणी तयार करा आणि त्यामध्ये उकडलेल्या बटाट्याच्या फोडी घालून व्यवस्थित परता.

आता या फोडणीवर साबुदाण्याचे मिश्रण घालून व्यवस्थित परता. नंतर त्यामध्ये वाटलेली हिरवी चटणी घालून मिश्रण एकजीव करा.

आता खिचडी वर झाकण ठेवून एक ते दोन वाफा काढा. नंतर लिंबू पिळून पुन्हा खिचडी छान पैकी परतून घ्या.आता यावर तळलेले शेंगदाणे, खोबरं कोथिंबीर घालून पुन्हा एकजीव करा.
तयार झाली आपली हरियाली साबुदाणा खिचडी.