સૌપ્રથમ ટામેટાં ને બ્લાંચ કરી તેની છાલ ઉતારી પીસ કરી લેવા. હવે રેડ સોસ, વ્હાઇટ સોસ અને વેજીટેબલ ના બધા ઘટકો ની તૈયારી કરી લેવી.

રેડ સોસ માટે એક પેન માં તેલ ગરમ કરી તેમાં તમાલપત્ર, મરી અને લસણ ઉમેરી સાંતળવું. પછી તેમાં કાંદો નાખીને સાતળો. પછી તેમાં બ્લાંચ કરેલા ટામેટા, મીઠું,લાલ મરચું પાઉડર, ખાંડ અને પાણી ઉમેરી ૨-૩ મિનિટ સાંતળી ગેસ બંધ કરી લેવો. ઠંડું પડે પછી તેમાંથી તમાલપત્ર કાઢી પેસ્ટ બનાવી લેવી. પછી તેમાં ટોમેટો કેચઅપ, ઇટાલિયન સિઝનીંગ અને ચીલી ફ્લેક્સ ઉમેરી બરોબર મિક્સ કરી બે મિનિટ સોસને ગરમ કરી લેવો.

વ્હાઇટ સોસ માટે દૂધને ગરમ કરવા મૂકવું. હવે એક પેનમાં બટર ગરમ કરી તેમાં મેંદો શેકવો. મેંદો બરાબર શેકાઈ જાય પછી તેને ગરમ દૂધમાં ઉમેરી બરોબર મિક્સ કરવો. પછી તેમાં મીઠું,ખાંડ અને મરી પાઉડર ઉમેરી મિક્સ કરી ઘટ્ટ થાય એટલે ગેસ બંધ કરી લેવો.

વેજીટેબલ સોતે કરવા ફાસ્ટ ગેસ ઉપર પેનમાં ઓલિવ ઓઈલ અને બટર ગરમ કરી લસણ ઉમેરી સાંતળો. પછી તેમાં બેબી કોન ઉમેરી સાંતળો. પછી તેમાં બેલ પેપર્સ એક મિનિટ માટે સાંતળો. પછી તેમાં બ્લાંચ કરેલા ગાજર,બ્રોકલી,મકાઈ અને ટામેટા ઉમેરી એક મિનિટ સાંતળો. પછી તેમાં મીઠું, ઇટાલિયન સિઝનીંગ, ચીલી ફ્લેક્સ, મરી પાઉડર ઉમેરી મિક્સ કરી ગેસ બંધ કરી લેવો. છેલ્લે તેમાં હાથથી તોડીને બેઝિલના પાન ઉમેરવા.

બ્રેડની સ્લાઈસને વેલણથી વણી લેવી અને ટીન ની સાઈઝ મુજબ કાપી લેવી.

હવે એક બેકિંગ ટ્રે લઇ તેમાં નીચે રેડ અને વ્હાઇટ સોસ બંનેનું પાતળું લેયર કરો. હવે તેના પર બ્રેડ નું એક લેયર કરો. હવે બ્રેડ પર રેડ સોસ અને વ્હાઈટ સોસ લગાવો. તેના પર એક મિક્સ વેજીટેબલ નું લેયર કરો હવે તેના પર મોઝરેલા ચીઝ અને પ્રોસેસ ચીઝ નુ લેયર કરો.

ફરીથી તેના પર એક બ્રેડનું લેયર કરી તેના પર બંને સોસ, વેજીટેબલ અને ચીઝનું લેયર કરો. હવે છેલ્લે વ્હાઈટ સોસ નું લેયર કરી બંને ચીઝ અને ચીઝ સ્લાઈઝ ના પીસ મુકી ઉપર બ્લેક ઓલિવ્સ મૂકવા. પછી પ્રિહિટેડ કડાઈમાં 10 થી 15 મિનિટ માટે બેક કરવા મૂકવું.