بعد بسم الله الرحمن الرحيم بعد ماطهيت البطاطا ديالي في الماء والقليل من الملح صفيتها وهر ستها بشوكة مليح زدت ضفتلها رشة فلفل اسود توابل راس الحانوت كركم ورشة دخلتهم مليح فالبطاطا من بعد بديت نضيف فاالنشاء حتى تحصلت على عجينة بطاطا تكون طرية ومتماسكة في نفس الوقت

شكلت كيما راه موضح بالصورة وضعتها في صينية عليها ورق الطهي من بعد دهنتها من فوق بزبت الزيتون وضعت عليها رشة توابل ووضعتها فالفرن

هاذي البطاطا ديالي بعد ماطابت وتحمرت مليح جات بنينة ومقرمشة روعة

من بعد وضعتها في صحون التقديم قدمتها مع شمندر وبيض بلدي وجبن مع التزين كيما راه موضح بالصورة

جات تقرمش وطرية من داخل والاهم ابني فرح بيها وعوضتلو السخفة ديالو من البطاطا المقلية😁 وربي يشفيهولي ان شاء الله وبالصحة والعافية ❤