મગની દાળ ને ધોઈ ને ત્રણ કલાક માટે પાણીમાં પલાળી રાખવી. છોડાવાળી કે છોડા વગરની દાળ નો પણ ઉપયોગ કરી શકાય. જો છોડા વાળી દાળ વાપરવાની હોય તો થોડા છોડા કાઢી નાખવા બાકીના રહેવા દેવા. હવે દાળને નિતારીને એક મિક્સર જારમાં ઉમેરવી. એની સાથે આદુ, મરચાં, લીલા ધાણા, હિંગ, જીરું અને મીઠું ઉમેરી એની સાથે થોડું પાણી ઉમેરીને મુલાયમ પેસ્ટમાં વાટી લેવું. ખીરું સામાન્ય ઢોસા ના ખીરું જેવું રાખવું.

ફીલિંગ બનાવવા માટે પનીરને છીણી લેવું અને તેમાં ચીઝ ઝીણી સમારેલી ડુંગળી, જીરુ, લાલ મરચું, સંચળ અને મીઠું ઉમેરીને બરાબર હલાવી લેવું.