प्रथम केशराच्या काड्यांमध्ये २ टी स्पून गरम दूध घातले. गाजराची साल काढून गाजर किसून घेतली. नंतर एका भांड्यात साजुक तूप तापवून त्यांत लवंगा घातल्या. नंतर त्यांत गाजर परतवून घेतले.

नंतर त्यांत दूध घालून परतवून परतवून शिजवून घेतले. नंतर त्यांत मावा व साखर घालून सर्व जिन्नस एकजीव करून घेतले.

गाजर छान शिजल्यावर त्यांत वेलची पावडर, दुधांत भिजवलेले केशर व जायफळ पूड घातली व सर्वांत शेवटी त्यांत बदाम, काजू, पिस्त्याचे काप व मनुका घातल्या व सर्व एकजीव केले.

झाला गाजर हलवा तयार. नंतर काजू पिस्त्याने सजावट करून गाजर हलवा सर्व्ह केला.