मेथीची पाने खुडून नीट धुवा.
मेथीची पाने बारीक चिरून घ्या. एका भांड्यात पाणी घ्या त्यात बारीक चिरलेली मेथी बुडवून त्यात मीठ एक चमचा टाका आणि दहा मिनिटं बाजूला ठेवून द्या. त्यामुळे मेथीचा कडवटपणा कमी होतो. दहा मिनिटांनी मेथी पिळून त्यातील पाणी काढून टाकून पिठात मिक्स करा.

एका भांड्यात गव्हाचे पीठ घ्या.
बेसन, लाल तिखट, धने पावडर, अजवाइन, जीरे, हळद, तीळ, आले-हिरवी मिरची पेस्ट, मीठ घालून सर्व काही चांगले मिसळा.
पीठात मेथीची पाने चांगली मिसळा. पीठ जवळजवळ तयार झाल्यावर सुमारे अर्धा चमचा तूप घाला आणि पुन्हा चांगले मळून घ्या.पिठाचा घट्ट गोळा मळून दहा मिनिटं झाकण ठेवून रेस्ट करायला बाजूला ठेवून द्या.

पीठ घेऊन परत एकदा मळून घ्या.
पिठाचे छोटे गोळे करा.एक गोळा घेऊन कोरड्या पिठात एकदा बुडवून घ्या.

पराठा चांगला लाटून त्रिकोणी आकाराचे बनवून घ्यावा. दिसायला सुंदर दिसतात. ते थोडे जाड असावे आणि पातळ नसावे. गरम तव्यावर वर पराठा फिरवा. जेव्हा पराठ्याच्या वरच्या बाजूला छोटे छोटे फुगे दिसू लागतात तेव्हा ते पलटून घ्या.

साधारण एक मिनिट दुसरी बाजू भाजल्यानंतर पराठ्यावर बटर, तूप किंवा तेल पसरवा.पराठा पलटून दुसऱ्या बाजूलाही तूप पसरवा. मस्त टम्म फुगलेला पराठा तयार होतो.

पराठा दोन्ही बाजूंनी चांगला भाजून झाल्यावर डिश मध्ये काढा. मेथी पराठा तयार आहे. लिंबाचं लोणचं, टोमॅटो सॉस आणि दही बरोबर सर्व्ह करा.