कढई मधे १ टीस्पून तेल घालून त्यात कांदा, सुकं खोबरं, तिळ आणि खसखस घालून मंद गॅसवर खरपुस भाजून घ्यावे. मग ते गार झाल्यावर त्यात आलं, लसूण, कोथिंबीर आणि पुदिना घालून मिश्रण बारीक वाटून घ्यावे.

कुकर मधे तेल घालून गरम झाल्यावर त्यात फोडणीसाठी जीरे, हिंग आणि कडिपत्ता घालून मग बारीक चिरलेला कांदा घालून परतावे, मग बारीक चिरलेला टोमॅटो घालून परतल्यावर, तिखट पूड, हळद, गरम मसाला पावडर, धणे जीरे पावडर आणि कांदा लसूण मसाला घालून परतावे मग त्यात वाटलेले खोबर्याचे वाटण घालून तेल सुटेपर्यंत परतावे. मग त्यात मीठ आणि कोकम‌ (आमसूलं) घालावे

खोबर्याचे वाटण परतल्यानंतर त्यात मोड आलेली मटकी आणि पाणी घालून एक शिटी काढून मटकी उसळ शिजवून घ्यावी. छान तर्री दार मटकी उसळ तयार होते.