चिकनला मालवणी मसाला, हळद, मीठ घालून मिक्स करून मॅरिनेट करण्यासाठी ठेवावे.
मग वाटण बनवायला कढई मधे थोडं तेल घालून त्यात धणे, जीरे, लवंग, मिरे आणि दालचिनी तुकडा, जाडसर चिरलेला कांदा, ओलं खोबरं, तीळ आणि खसखस घालून चांगले खरपूस भाजून घ्यावे आणि गार झाल्यावर थोडं पाणी घालून बारीक वाटून घ्यावे.

तांदूळ धुवून थोडावेळ पाणी घालून भिजवणे, तोपर्यंत फोडणीसाठी कढई मधे तुप घालून त्यात जीरे आणि खडे मसाले घालून फोडणी करुन घ्यावी.

जीरे फोडणी धुतलेल्या तांदळात घालून त्यात मीठ, लिंबू रस आणि पाणी घालून एक शिटी काढून जिरा मसाला राईस शिजवून घ्यावा.

आलं लसूण पेस्ट करून चिकन मधे घालून मिक्स करावे.

कुकर मधे तेल घालून त्यात तिखट पूड घालून लगेच जरासं पाणी घालावं त्यामुळे रस्साला छान तर्री येते. मग त्यात मॅरिनेट केलेलं चिकन घालून त्यावर ओलं खोबर्याचं वाटण घालून मिक्स करुन जरा परतून त्यात मीठ आणि पाणी घालून ५ शिट्या काढून चिकन शिजवून घ्यावे.