कोवळ्या लहान आकाराच्या ताज्या भाज्या शेतातून किंवा बाजारातून आणायच्या.

सगळ्या भाज्या धुवून शेंगांच्या भाज्यांचे दाणे काढून, काही फळभाज्या भाज्या चिरून ठेवायच्या. वांगी आणि केळी चिरुन पाण्यात ठेवावे म्हणजे भाजी काळी पडत नाही.

शेंगदाणे खरपूस भाजून त्याचे कुट करावे.

पांढरे तीळ भाजून तिळ कूट करावे.

चिंच पाण्यात भिजवून त्याचा कोळ काढून घ्यावा. आणि गुळ चिरुन ठेवावा.
अशी पूर्व तयारी केल्यावर भाजी पटकन होते.

कुकर मधे तेल घालून त्यात फोडणीसाठी मोहरी, जीरे, हिंग आणि कडिपत्ता घालून त्यावर थोडं तिखट पूड घालून लगेच जरासं पाणी घालावं त्यामुळे भाजीच्या रसाला छान तर्री येते. मग त्यात भाज्यांचे दाणे घालून त्यात तिखट पूड, हळद, गरम मसाला पावडर, धणे जीरे पावडर, गोडा मसाला आणि मीठ घालून मिक्स करावे.

मग त्यात वांगी आणि इतर फळभाज्या घालून मिक्स करून त्यात शेंगदाणे कूट, तिळकुट, ओलं खोबरं घालून मिक्स करून भाज्या परतून घ्या.

मग त्यात चिंचेचा कोळ, गुळ, भाजलेले तीळ आणि पाणी घालून मिक्स करून कुकर मधे दोन शिट्या काढून भाजी शिजवून घ्यावी.

शिजलेली भाजी अलगद मिक्स करावी. मस्त गरमागरम शिजलेल्या भाजीवर भाजलेले तीळ घालावे.