फ्रोजन मटार (वाटाणे) फ्रिजर मधून काढून ठेवावे. बटाट्याची सालं काढून त्याच्या फोडी करून घ्याव्यात. कांदा, टोमॅटो बारीक चिरून घ्यावा. लसूण सोलून ठेवून घ्यावी.

एका लहान कुकर मधे तेल घालून त्यात फोडणीसाठी जीरे घालून तडतडल्यावर त्यात बारीक चिरलेला कांदा घालून चांगला ब्राऊन होईपर्यंत परतावा, मग त्यात बारीक चिरलेला टोमॅटो घालून परतल्यानंतर तिखट पूड हळद धने जीरे पावडर, गोडा मसाला आणि मीठ घालावे.

कांदा टोमॅटो परतल्यानंतर त्यात मटार, बारीक चिरलेला बटाटा आणि गरम मसाला पावडर घालून मिक्स करावे.

भाजी मधे पाणी घालावे. कुकरच्या दोन शिट्या काढून भाजी शिजवून घ्यावी.

मस्त गरमागरम मटार बटाटा भाजीवर बारीक चिरलेली कोथिंबीर घालून ब्रेड बरोबर सर्व्ह करावी. चवीला खूप मस्त लागते.