प्रथम गव्हाचे पीठ, मैदा, मीठ व २ टे. स्पून तेल घालून कणिक मळून घेतली व २ टे. स्पून तेलाने छान मऊ करून घेतली.

तीळ, खोबर, खसखस, शेंगदाणे छान खरपूस भाजून घेतले. नंतर सर्व जिन्नस मिक्सरमधून फिरवून घेतले. नंतर एका भांड्यात तूप तापवून त्यांत बेसन भाजून घेतले.

एका किसणीने गूळ किसून घेतला व त्यांत तीळ, खोबर, खसखस, शेंगदाण्याची तयार केलेली पीठी, बेसन, तूप, वेलची पूड व जायफळ पूड घालून सर्व जिन्नस एकजीव करून घेतले. गुळपोळीचे पुरण तयार झाले.
हे तयार पुरण फ्रीजमध्ये बरेच दिवस टिकते व मनांत येईल तेव्हा गुळपोळीचा स्वाद घेता येतो.