نبدا بسم الله ونجيب ريسبسيون نحط فيها البيض وكاس سكر ونبدا نخفق حتى يبياض الخليط ثم نضيف الزيت بالتدريج ثم نضيف م ص بيكاربونات الصوديوم ونخلط ونضيف الحليب ونواصل الخلط

ثانيا نبدا باضافة الكاكاو ونواصل الخلط ثم نضيف الفرينة والكيس الخميرة الكيمائية ونخلط الكل مليح ثم نجيب مول موسكوتشو ندهنو بالزبدة ونرشو بالفرنية ونخلط الخليط تاعي ونحط كمية من فارميسال ونشعل الفرن وندخلو يطيب

بعد ذلك نرجع نحضر الصوص نحط في كسرونة الفرينة والسكر والكاكاو ونخلطهم مليح ثم نفرغ عليهم كاس قهوة تكون ثقيلة او كاس ماء لي مايحبش القهوة ونحطها عالنار هادية ونخلط مليح حتى تبدا تثقال نطفي النار ونضيفلها فارميسال اختياري و2م ك زيت ونخلطها مليح

بعد ماطابت المسكوتشو نشعللها من فوق تتحمر ونطفي النار ونخرجها ونقلبها مباشرة في سينية الفرن

نجيب صحن التقديم ونفرغ عليها مباشرة الصوص ونصبها عشوائيا ثم نرش عليها فارميسال شكولا ونزينها بورد الشوش وورق ذهب

اخيرا هذا شكل الموسكوتشو جات هايلة وجاء الصوص تاعي يلمع نتمنا تجربوها