نبدا بسم الله ونجيب صحن نحط فيه البيض و رشة ملح وكاس سكر ونخلط مليح حتى يبياض الخليط ثم نبدا نضيف في كاس الزيت تدريجيا ونواصل الخلط ثم نضيف مبشور برتقالة وكاس حليب ونخلط مليح

نبدا نضيف فالفرينة وكيس خميرة كيميائية حتى نتحصل على خليط متماسك ونجيب مول ندهنو بالزبدة ونرشو بالفرينة ونفرغ الخليط تاعي

نسخن الفرن وندخل المسكوتشو تاعي تطيب من تحت ثم نشعللها من فوق تتحمر ونخرجها ونجيب سينية ونقلب المول تاعي فيها

نجيب صحن التقديم ونحط الموسكوتشو تاعي فيه ونزينها بخطوط من الشكولا وورق ذهب