એક બાઉલમાં ઘઉં નો લોટ,ખાંડ,મીઠું,યીસ્ટ લઈ તેમાં દહીં અને હૂંફાળું પાણી ઉમેરી સોફ્ટ લોટ બાંધી ૪-૫ મિનિટ મસળી તેલ લગાવી ઉપર ભીનું કપડું ઢાંકી ૨-૩ કલાક ગરમ જગ્યા એ રાખવું.

પછી કોરા લોટ ભભરાવી મસળી ને તેમાં થી લુવા પાડી તેલ લગાવી ફરી ૧૦-૧૫ મિનિટ રાખવું.એક બાઉલમાં બન્ને ચીઝ,લીલા મરચાં, લીલું લસણ,લીલા ધાણા,ઈટાલિયન સીઝનીગ,મરી પાઉડર ઉમેરી બધું બરાબર મીક્સ કરવું.

લુવા માંથી નાની પૂરી વણી વચ્ચે ચીઝ વાળું સ્ટફિંગ ભરી બધી કિનારી ભેગી કરી બંધ કરી બોલ બનાવી તેમાં થી નાન વણી ઉપર વાટેલું સૂકું લસણ,લીલું લસણ,અને લીલા ધાણા લગાવી ફરી વણી લેવી.

હવે નાન ની બીજી બાજુ પાણી લગાવી તે ભાગ ને ગરમ તવા ઉપર મૂકી શેકાય પછી તેની ઉપર બટર લગાવી ગરમ ગરમ સર્વ કરવી.તો તૈયાર છે ચીઝ ચીલી ગાર્લીક નાન.