સૌપ્રથમ મેંદો ચાળીને તેમાં મીઠું અને અજમો હાથેથી મસળીને નાખો પછી તેમાં તેલનું મોણ નાખીને બરાબર મિક્સ કરી લો પછી મીડીયમ લોટ બાંધીને ઢાંકીને 20 મિનિટ માટે રેસ્ટ આપો

કડાઈમાં તેલ ગરમ કરીને તેમાં પીસેલો મસાલો અને હિંગ નાખો પછી તેમાં ચણાનો લોટ નાખીને બે મિનિટ માટે શેકી લો પછી તમારે ડુંગળી છીણેલું આદુ અને ઝીણા સમારેલા લીલા મરચા નાખીને સાંતળો

પછી તેમાં બાફેલા બટાકા મેશ કરી ઉમેરો પછી તેમાં લાલ મરચું હળદર ગરમ મસાલો મીઠું આમચૂર પાઉડર અને ખાંડ નાખીને બરાબર મિક્સ કરી લો બે મિનિટ માટે થવા દઈને કોથમીર નાખીને ગેસ બંધ કરી લો. મિશ્રણને ઠંડુ થવા દો

મિશ્રણ ઠંડુ થઈ જાય પછી તેમાંથી લીંબુ આકારના ગોળા વાળી લો હવે લોટને થોડો મસળીને તેમાંથી લીંબુ થી થોડા મોટા લૂઆ કરી લો પછી એક લુવો લઇ હાથ વડે નાની વાટકી જેવો શેપ આપી દો કિનારી પતલી અને વચ્ચેથી સહેજ જાડુ રાખો

પછી તેમાં તૈયાર કરેલો મિશ્રણનો એક ગોળો મૂકીને બધી કિનારી ભેગી કરીને તેને વાળી લો પછી તેને હથેળીની મદદથી હળવા હાથેપ્રેસ કરીને કચોરી નો આકાર આપી દો આ રીતે બધી કચોરી તૈયાર કરો

હવે તેલને ગરમ કરીને તેમાં કચોરીની આઠથી દસ સેકન્ડ માટે તળી ને લઈ લો (આ રીતે કરવાથી કચોરી એકદમ ફૂલીને તૈયાર થશે)

પછી તેલ થોડું ઠંડુ થઈ જાય પછી કચોરીને ધીમા તાપે બંને બાજુથી ગોલ્ડન અને ક્રિસ્પી થાય ત્યાં સુધી તળી લો આ રીતે બધી કચોરી તળીને તૈયાર કરો

તૈયાર છે ક્રિસ્પી કાંદા કચોરી તેને સર્વ કરો